1.Kamatimû nî mûthuri ûrarî mwanake akahikania,wîna twana tûnini na ûtahete athuuri mbûri ciao tiga oiria aheanîirwo nî ithe,ta mbûri cia matû,mûrangano na mbûri ya ngoi. Mûka wa kamatimû etagwo kang’ei kana nge’i.
Mûthuri wa horio. Ûyû nî mûthuri reu wambîrîria kûhikithia. Mwarî kana mûrûwe wa mbere ahika kana ahikania. Mûka wa mûthuri wa horio etagwo nyakinyua nyinyi. Mûtumia ûyû noanyua,no njohi ya ciana ciake tu na mûrûme akorwo ho.
Mûthuri wa Mataathi. Ûyû nî mûthuri mûkindîku,ûhikithîtie ciana ciothe nginya kîhinganda gîake. Mûthuri mûheku gîtîyo,na mûthuri ûngîringa thenge. Mûka wa mûthuri wa matathi etagwo nyakinyua ngûrû. Nyakînyua ngûrû naîkerûre na îgae njohi.
Mûthuri wa matura nguru. Ûyû nî mûthuri mûkûrû, mûthuri ûcûkûrû wake ûhikithîtie, na ûkararigitha. Ûyû nî mûthuri ûngîtua itua narîtikorio kîûria. Mûka etagwo kîheti. Kîheti, nîkîo gîatonyaga airîtu mahatûrwo ndûgîra. Ona mûkoma thîî kaingî akomaga gwî kîheti.
I hihi wîha?